ఫిబ్రవరి ఒకటో తేదీన రాష్ట్ర ముఖ్యమంత్రి నారా చంద్రబాబునాయుడు తణుకు పర్యటనకు రానున్న సందర్భంలో జిల్లా జాయింట్ కలెక్టర్ టి.రాహుల్ కుమార్ రెడ్డి తణుకు ఎస్ ఎన్ వి ఎం పాలిటెక్నిక్ కళాశాల ప్రాంగణంలోని హెలి ఫ్యాడ్ ప్రాంగణాన్ని, ప్రత్యామ్నాయంగా తేతలి హైవే పక్కన మరో హెలి ప్యాడ్ ప్రాంగణాన్ని, తేతలి పిఎంఏవై – ఎన్టీఆర్ నగర్ లే ఔట్ ను రాష్ట్ర గృహ నిర్మాణ సంస్థ మేనేజింగ్ డైరెక్టర్ పి.రాజబాబుతో కలిసి క్షేత్రస్థాయిలో పరిశీలించారు. పర్యటనకు చేయవలసిన ఏర్పాట్లుపై సంబంధిత శాఖల అధికారులకు పలు సూచనలు జారీ చేశారు. ముఖ్యమంత్రి పర్యటనలో భాగంగా చేయవలసిన పనులను వేగవంతంగా పూర్తిచేయాలని ఆయా శాఖ అధికారులు ఆదేశించారు. ఈ పర్యటనలో రాష్ట్ర గృహ నిర్మాణ శాఖ చీఫ్ ఇంజనీర్ టి.పద్మనాభం, అడిషనల్ ఎస్పీ వి.భీమారావు, ఆర్డీవో ఖతీబ్ కౌశల్ బానో, గృహనిర్మాణశాఖ జిల్లా గృహ నిర్మాణ శాఖాధికారి వై.హరిహర నాథ్, డిఇలు పిచ్చయ్య, బి.వి రమణ, ఎం.శ్రీనివాసరావు, తహసిల్దార్ దండు అశోక్ వర్మ, ఎంపీడీవో జయ సాగర్, సంబంధిత శాఖల అధికారులు, తదితరులు పాల్గొన్నారు.
